بحرین کے وزیر داخلہ لیفٹیننٹ جنرل راشد بن عبد اللہ الخلیفہ پاکستانی ہم منصب محسن نقوی کی دعوت پر 3 روزہ دورے کے لیے اسلام آباد پہنچ گئے۔ وزیر مملکت داخلہ طلال چودھری نے ان کا استقبال کیا۔
وزیر داخلہ نے پاکستان مونومنٹ اور یادگار شہداء کا دورہ کیا، پھول رکھے اور فاتحہ خوانی کی۔ اسلام آباد پولیس کے چاق و چوبند دستے نے انہیں سلامی پیش کی۔
دورے کے دوران بحرین کے وزیر داخلہ پاکستان کی اعلیٰ قیادت سے ملاقاتیں کریں گے اور دونوں ممالک کے درمیان انسانی سمگلنگ، انسداد منشیات، سکیورٹی اور انسداد دہشتگردی کے شعبوں میں تعاون کو فروغ دینے پر تبادلہ خیال کریں گے۔
