لاہور ہائیکورٹ میں میڈیا سے گفتگو کرتے ہوئے سردار لطیف کھوسہ نے کہا کہ افغانستان کے ساتھ محاذ کھولنا افسوسناک ہے، کئی افغانی ہماری سرزمین پر پلے بڑے اور آج نکالے جا رہے ہیں۔ انہوں نے بھارت کے ساتھ بات چیت کرنے کی تیاری کا ذکر کرتے ہوئے افغانستان کے ساتھ مذاکرات نہ کرنے پر تشویش ظاہر کی۔
ٹی ایل پی کے احتجاج کے خلاف کارروائی پر لطیف کھوسہ نے مریدکے واقعے اور سانحہ ماڈل ٹاؤن کی شدید مذمت کی اور کہا کہ 26 ویں آئینی ترمیم کے بعد آئین کو دفن کر دیا گیا جبکہ پیسا کے ذریعے میڈیا کا گلا دبایا گیا۔ انہوں نے کہا کہ احتجاج کا حق پاکستان میں محدود کیا گیا ہے اور بعض سیاسی رہنماؤں کے حلف نہ لینے کے فیصلوں کو غیر قانونی قرار دیا۔
