بھارتی ویمن کرکٹر سمریتی مندھنا کی شادی اُن کے والد کو دل کا دورہ پڑنے کے باعث غیر معینہ مدت کے لیے ملتوی کر دی گئی۔ شادی کی تقریب آج مہاراشٹرا میں ان کے فیملی فارم ہاؤس پر میوزک کمپوزر پلاش موچل کے ساتھ ہونا تھی۔
شادی کی تیاریوں کے دوران والد سرینواس مندھنا کو دل کا دورہ پڑا جس کے بعد انہیں فوری اسپتال منتقل کیا گیا۔ ڈاکٹروں کے مطابق ان کی حالت اب بہتر ہے۔
سمریتی مندھنا کی منیجمنٹ نے میڈیا کو شادی ملتوی ہونے کی تصدیق کی ہے۔ شادی سے قبل ہونے والی تقریبات گزشتہ چند روز سے جاری تھیں جن میں ٹیم کی کئی ساتھی کھلاڑی بھی شریک تھیں۔
