مسائل حل نہ ہوئے، تو ہڑتال کا دورانیہ بڑھ سکتا ہے، صدر کیڈا عتیق میر
کراچی میں انجمن تاجران کراچی نے آج ملک بھر میں کاروبار مکمل طور پر بند کرنے کا اعلان کیا تھا۔ جس کی جماعت اسلامی، جمعیت علمائے اسلام پاکستان تحریک انصاف اور عوامی نیشنل پارٹی جیسی سیاسی جماعتوں نے ملک بھر میں ہڑتال کی حمایت کرتے ہوئے تاجروں کی حمایت کی ۔اس اپیل پر تمام مکاتب فکر اور کاروباری حلقوں نے یک جہتی کے ساتھ عمل کیا اور کاروباری سر گرمیوں کو مکمل طور پر بند رکھا .
جماعت اسلامی، جمعیت علمائے اسلام اور تحریک انصاف ANP
آل پاکستان انجمن تاجران سندھ کے صدر جاوید شمس نے کہا کہ سیاسی قیادت ناکام ہو چکی ہے۔۔ ہم ٹیکسوں اور بجلی کے بلوں میں اضافے کو مسترد کرتے ہیں۔حکمران طبقہ کاروباری طبقے اور عوام سے جینے کا حق چھیننا چاہتا ہے، انہوں نے زور دے کر کہا کہ “ٹریڈر فرینڈلی سکیم” اپنی موجودہ شکل میں قابل قبول نہیں ہے۔ کراچی سے خیبر تک تمام ٹریڈ یونینیں ہڑتال میں حصہ لے رہی ہیں۔ “اگر مسائل حل نہیں کیے گئے، تو ہڑتال کا دورانیہ بڑھ سکتا ہے۔آل کراچی ٹریڈرز یونین کے صدر عتیق میر نے ہڑتال کو تاجروں کا نہیں بلکہ شہریوں کا احتجاج قرار دیا۔ جوعام آدمی مہنگائی سے پریشان ہے۔
حکومت پر تاجروں کی ہڑتال کا دباؤ نہیں پڑے گا۔مشیر وزیر اعظم
ملک گیر ہڑتال پر ردعمل کا اظہار کرتے ہوئے وزیر اعظم پاکستان کے کوآرڈینیٹر برائے عملدرآمد و مانیٹرنگ رانا احسان افضل خان نے کہا کہ حکومت پر تاجروں کا دباؤ نہیں پڑے گا۔ تاجروں کو مذاکرات کی دعوت دی اگر وہ حکومت کو “غلط” سمجھتے ہیں۔انہوں نے مزید کہا کہ وزیر اعظم شہباز شریف نے فیڈرل بورڈ آف ریونیو (ایف بی آر) کی تنظیم نو کی ہے اور اس بات پر زور دیا ہے کہ ریٹیل سیکٹر کو بھی ٹیکس نیٹ میں لایا جائے۔
کلب روڈ، جننداح روڈ، لوڈن روڈ، ریل بازار، چوری بازار اور ملتان روڈ بند
طور پر بند رہیں۔نواب شاہ، ٹنڈوالہیار، ٹھٹھہ، سجاول اور دیگر شہروں سمیت سندھ کے مختلف شہروں کے تاجر بھی ہڑتال پر رہے ہیں گوجرانوالہ میں شہر کے اندرونی علاقوں بشمول کلاتھ مارکیٹ، سٹیل مارکیٹ اور سینیٹری مارکیٹ سمیت تمام چھوٹی اور بڑی مارکیٹیں بند رہیں گی۔ شہر کی موبائل فون ایسوسی ایشن نے بھی ہڑتال کی کال کی حمایت کی ہے۔خیبر پختونخوا کے شہر پشاور میں تاجر تنظیمیں ہڑتال کر رہی ہیں ۔صدر بازار، شفیع مارکیٹ، قصہ خوانی اور خیبر بازار سمیت تمام مارکیٹیں بند ہیں جبکہ تاجر تنظیموں نے بند مارکیٹوں کے سامنے احتجاجی کیمپ لگائےرکھے۔ڈیرہ اسماعیل خان میں تاجروں کی ایسوسی ایشن، ٹریڈرز یونین اور ٹریڈرز ایکشن کمیٹی کی حمایت کے بعد تمام تجارتی مراکز بند ہیں۔
پنجاب کے شہروں میں مارکیٹیں اور تجارتی مراکز بند
چیچہ وطنی سمیت پنجاب کے شہروں میں مارکیٹیں اور تجارتی مراکز بند ہیں اور تاجروں نے حکومت سے ظالمانہ ٹیکس واپس لینے اور بجلی کی قیمتوں میں کمی کا مطالبہ کیا ہے۔دوسری جانب چارسدہ میں جماعت اسلامی نے بھی تاجروں کی ہڑتال کی کال دی ہے کیونکہ ہوٹلوں سمیت کھانے پینے کی تمام دکانیں بند ہیں۔عوام نے ہڑتال روکنے کی حکومت کی کوششوں کو مسترد کردیا ہے۔ اگر مسائل حل نہ ہوئے تو تاجروں اور صنعتی تنظیموں سے مشاورت کے بعد مستقبل کا لائحہ عمل پیش کیا جائے گا۔لاہور میں شہر کی بیشتر مارکیٹیں اور کاروبار بند ہیں۔راولپنڈی میں تاجروں کی اپیل پر تمام چھوٹی اور بڑی مارکیٹوں کے ساتھ ساتھ بیکریاں، تندور، ہوٹل، جنرل اسٹورز سمیت دکانیں بھی بند ہیں جہاں شہر کی آئل ٹینکر ایسوسی ایشن سمیت تاجر برادری اور تجارتی ایسوسی ایشنز نے ہڑتال کی حمایت کی ہے۔پنجاب کے دیگر شہروں رحیم یار خان، ڈیرہ غازی خان، راجن پور، چیچہ وطنی، سرگودھا، چونیاں، ٹیکسلا، چکوال، پتوکی، چھانگا مانگا اور عارف والا میں بھی ہڑتال کی گئی۔
کوئٹہ، حب، ہرنائی اور مستونگ سمیت دیگر شہروں میں احتجاج
بلوچستان میں بھی کوئٹہ، حب، ہرنائی اور مستونگ سمیت دیگر شہروں میں تاجروں نے احتجاجا اپنی دکانیں اور کاروبار بند رکھےگئے۔کے پی کے دیگر شہروں میں مانسہرہ، باجوڑ، چارسدہ، کرک، بنوں اور مالاکنڈ شامل ہیں۔اس ہفتے کے اوائل میں مذہبی سیاسی جماعت نے عوام کو ریلیف فراہم کرنے کے لئے مخلوط حکومت پر دباؤ بڑھانے کے لئے 28 اگست (آج) کو ملک بھر میں شٹر ڈاؤن ہڑتال کرنے کا اعلان کیا تھا۔یہ اعلان اس وقت سامنے آیا جب پارٹی نے حکومت کے ساتھ بجلی کے نرخوں میں کمی اور آزاد پاور پروڈیوسرز کے ساتھ معاہدوں پر نظر ثانی سمیت مطالبات پر کامیاب مذاکرات کے بعد 9 اگست کو اپنا 14 روزہ دھرنا ملتوی کردیا۔
