پیرس میں اولمپک مقابلوں کا آغاز 26 جولائی اور اختتام 11 اگست کو ہوگا۔ سکیورٹی فورسز نے اس شہر کے مرکزی حصے میں واقع کئی علاقوں میں رکاوٹیں لگا کر وہاں آمد و رفت کو محدود کر دیا، جس پر کچھ شہری برہم بھی ہیں۔
فرانس کے دارالحکومت پیرس میں اولمپک مقابلوں کے حوالے سے کیے جانے والے انتظامات کے تحت جمعرات کو سکیورٹی فورسز نے اس شہر کے مرکزی حصے میں واقع کئی علاقوں میں رکاوٹیں لگا کر وہاں آمد و رفت کو محدود کر دیا۔
پیرس میں اولمپک مقابلوں کا آغاز 26 جولائی اور اختتام 11 اگست کو ہوگا، جن میں تقریباً 10 ملین تماشائیوں کی شرکت متوقع ہے۔
آئندہ ہفتے دریائے سین کے کنارے ان مقابلوں کی افتتاحی تقریب منعقد ہو گی، جس میں اس دریا کے کنارے چھ کلومیٹر تک پریڈ کی جائے گی۔ اس وجہ سے وہاں واقع متعدد علاقوں میں آج مقامی وقت کے مطابق صبح پانچ بجے سے اکثر گاڑیوں کی آمد پر پابندی عائد کر دی گئی ہے۔
