بلوچستان کے ضلع حب میں حالیہ بارشوں کے بعد حب ڈیم پانی سے بھر گیا اور اسپیل وے کھولنے کے لیے صرف چھ فٹ پانی کی گنجائش باقی رہ گئی۔ پی ڈی ایم اے کے مطابق حب ڈیم کی کل گنجائش 340 فٹ ہے اور پانی کی موجودہ سطح 334 فٹ تک پہنچ گئی ہے۔
ضلع کیچ کے میرانی ڈیم میں پانی کی سطح 226 فٹ ہے جبکہ اس کی کل گنجائش 246 فٹ ہے۔ ضلع ژوب کے سبکزئی ڈیم میں پانی ذخیرہ کرنے کی صلاحیت 94 فٹ ہے اور وہاں اس وقت صرف 30 فٹ پانی موجود ہے۔
گوادر میں بارش نہ ہونے کے باعث تینوں ڈیمز میں پانی خطرناک حد تک کم ہو گیا ہے۔ شادی کور ڈیم میں دو فٹ، سوار ڈیم میں ڈیڑھ فٹ اور آکڑا کور ڈیم میں بھی صرف دو فٹ پانی دستیاب ہے۔
