بھارتی آبی جارحیت کے باعث زیرِ آب آنے والے کرتارپور گوردوارہ میں نکاسی آب اور صفائی کا عمل مکمل کر لیا گیا ہے۔ وزیراعلیٰ پنجاب مریم نواز کی ہدایت پر ستھرا پنجاب کے ورکرز اور دیگر اداروں کے اہلکاروں نے دن رات محنت کر کے گوردوارہ کی در و دیوار اور جنم استھان، درشن ڈیوڑی سمیت دیگر حصوں کی صفائی کی۔
ڈپٹی کمشنر ننکانہ صاحب نے خود کرتارپور گوردوارہ پہنچ کر صفائی کے عمل کی نگرانی کی۔ وزیراعلیٰ مریم نواز نے ہدایت دی ہے کہ آئندہ 3 سے 4 دنوں میں سکھ یاتریوں کے لیے گوردوارہ دوبارہ کھول دیا جائے۔
