خیبرپختونخوا کے وزیراعلیٰ علی امین گنڈاپور نے کہا ہے کہ سب کو مطمئن کرکے کالا باغ ڈیم جیسے بڑے منصوبے کو پاکستان کے مستقبل اور آنے والی نسلوں کے لیے ضرور بننا چاہیے۔ ان کا کہنا تھا کہ صوبائیت کے چکر میں پورے ملک کو نقصان نہیں پہنچایا جا سکتا اور نہ ہی پاکستان کے مجموعی فائدے کو پسِ پشت ڈالا جا سکتا ہے۔
وزیراعلیٰ نے کہا کہ جب منصوبے کا فائدہ پاکستان کو ہے تو ذاتی یا صوبائی اختلافات کی بنیاد پر اسے روکا نہیں جانا چاہیے۔ انہوں نے زور دیا کہ تمام صوبوں کے تحفظات کو ان کے حقوق کے مطابق دور کیا جائے تاکہ کالا باغ ڈیم جیسے منصوبے کو عملی جامہ پہنایا جا سکے۔
