اسلام آباد: تھانہ کھنہ پولیس نے بڑی کارروائی کرتے ہوئے ہراسمنٹ، سوشل میڈیا پر اسلحہ کی نمائش، منشیات فروشی اور راہزنی میں ملوث منظم افغانی گروہ کے پانچ ارکان کو گرفتار کر لیا۔
ترجمان اسلام آباد پولیس کے مطابق ملزمان کے قبضے سے مختلف بور کے پانچ پستول اور آئس برآمد ہوئی۔
گرفتار ملزمان کی شناخت ابراہیم، شاہد خان، محمد ابراہیم، خوشحال اور عین الحق کے ناموں سے ہوئی ہے۔ ان کے خلاف متعدد مقدمات بھی درج ہیں۔
تحقیقات میں یہ انکشاف بھی سامنے آیا کہ گروہ کم عمر لڑکوں کو مجرمانہ سرگرمیوں میں شامل کرتا رہا۔
ڈی آئی جی اسلام آباد نے کہا کہ ملزمان کو قرار واقعی سزا دلوانے کے لیے تمام قانونی تقاضے پورے کیے جائیں گے۔ ان کا مزید کہنا تھا کہ منظم اور متحرک گینگز کے خلاف بڑے پیمانے پر کارروائیاں جاری ہیں۔
