ایف آئی اے کارپوریٹ کرائم کراچی نے رینجرز کے ساتھ مشترکہ کارروائی کرتے ہوئے جعلی امریکی ڈالر فروخت کرنے والے ملزم محمد شفیق کو صدر موبائل مارکیٹ سے گرفتار کر لیا۔
کارروائی انٹیلیجنس بنیادوں پر کی گئی، جس میں ملزم کے قبضے سے 94 ہزار جعلی امریکی ڈالر، 16180 روپے نقدی اور ایک موبائل فون برآمد ہوا۔
ملزم کو رنگے ہاتھوں گرفتار کیا گیا اور اب اس سے مزید تفتیش جاری ہے۔ یہ کارروائی مالی جرائم کے خلاف ایف آئی اے کی مؤثر حکمت عملی کا حصہ ہے۔
