سوئیڈش اکیڈمی نے ہنگری کے معروف مصنف لازلو کرسز ناہور کائی کو نوبیل ادبی انعام 2025 دیا، ان کی “طاقتور ادبی آواز اور فن کے ذریعے انسانی تجربات کو بیان کرنے کی غیرمعمولی صلاحیت” کے اعتراف میں۔
لازلو کی تحریریں شدید حالات میں انسان، تاریخ اور تقدیر کے تعلق کو پیش کرتی ہیں اور وسطی یورپ کی تہذیبی وراثت اور مشرق و مغرب کے فکری تعامل کی عکاس ہیں۔
یہ دوسرا موقع ہے کہ ہنگری کے کسی مصنف کو نوبیل ادبی انعام ملا ہے، اس سے قبل 2002 میں امری کیرٹیس کو یہ اعزاز حاصل ہوا تھا۔
لازلو کا پہلا ناول “Satantango” 1985 میں شائع ہوا، جس نے ہنگری اور یورپ میں شہرت حاصل کی اور اس پر 7 گھنٹے پر محیط فلم بھی بنی۔ بعد میں انہوں نے چین، جاپان اور مشرق بعید کے ثقافتی موضوعات کو اپنی تحریروں میں شامل کیا۔
ان کے فکری اسلوب پر مشرقی فلسفے کے اثرات نمایاں ہیں، اور ان کی تصانیف کو “میٹافکشن” اور “فلسفیانہ بیانیے” کا سنگم قرار دیا جاتا ہے۔
نوبیل اعزاز کی باضابطہ تقریب دسمبر میں اسٹاک ہوم، سویڈن میں ہوگی، جہاں انہیں طلائی تمغہ، سرٹیفکیٹ اور 10 ملین سویڈش کرونا کی انعامی رقم دی جائے گی۔
