کراچی: عالمی اور مقامی مارکیٹوں میں سونے اور چاندی کی قیمتوں میں نمایاں اتار چڑھاؤ دیکھنے کو ملا ہے۔ بین الاقوامی مارکیٹ میں فی اونس سونے کی قیمت میں 44 ڈالر کی کمی ہوئی اور یہ 4,400 ڈالر کی سطح پر آ گئی۔ مقامی مارکیٹ میں فی تولہ سونے کی قیمت 4,578 روپے کمی کے بعد 4 لاکھ 20 ہزار 600 روپے اور فی 10 گرام سونا 3,924 روپے کم ہو کر 3 لاکھ 60 ہزار 597 روپے پر پہنچ گیا۔
دوسری جانب چاندی کی قیمت میں اضافہ جاری رہا اور عالمی مارکیٹ میں فی اونس چاندی کی قیمت 50.13 ڈالر کی بلند سطح پر پہنچ گئی۔ مقامی سطح پر فی تولہ چاندی کی قیمت 34 روپے کے اضافے سے 5,100 روپے ہو گئی۔ سرمایہ کاروں نے سونے کی قیمت میں کمی اور چاندی کی بڑھتی ہوئی قیمت کو مارکیٹ کے اہم رجحانات قرار دیا ہے۔
