چیئرمین پی ٹی آئی بیرسٹر گوہر نے پشاور میں میڈیا سے گفتگو کرتے ہوئے کہا کہ خیبر پختونخوا کے نئے وزیرِاعلیٰ کے انتخاب میں پی ٹی آئی کی قیادت بانی پارٹی عمران خان کے احکامات کی پابند ہے۔
بیرسٹر گوہر نے کہا کہ صوبائی قیادت اور ارکان سے مسلسل رابطے میں ہیں اور امید ہے کہ انتخاب خوش اسلوبی سے ہوگا۔ انہوں نے مزید کہا کہ اگر آئینی پیچیدگیاں آئیں تو عدالتیں انہیں حل کریں گی، اور بانی پی ٹی آئی کے انتخاب کردہ امیدوار کو ہی وزیرِاعلیٰ منتخب کیا جائے گا۔
پی ٹی آئی کے اجلاس میں آئندہ اسمبلی اجلاس کے لیے لائحہ عمل پر بھی بات چیت ہوئی اور پارٹی کی اولین ترجیح معاملات کو ہموار طریقے سے حل کرنا ہے۔
