امریکی اخبار واشنگٹن پوسٹ کی ایک تحقیقاتی رپورٹ کے مطابق مودی حکومت نے ارب پتی صنعت کار گوتم اڈانی کی مالی مشکلات کم کرنے کے لیے سرکاری انشورنس کارپوریشن کے ذریعے 3.9 ارب ڈالر ان کی کمپنیوں کو منتقل کیے۔ رپورٹ میں بتایا گیا ہے کہ سرکاری اہل کاروں نے اس منصوبے کی براہِ راست نگرانی کی۔ گزشتہ سال امریکی حکام نے گوتم اڈانی پر رشوت اور فراڈ کے الزامات عائد کیے تھے جس کے بعد مغربی بینکوں نے انہیں قرض دینے سے گریز کیا۔ یہ معاملہ بھارت میں بڑے کاروباری اور سرکاری تعلقات کے حوالے سے ایک اہم سیاسی اور معاشی موضوع بن سکتا ہے۔
