پاکستان کسٹمز انفورسمنٹ نے موچکو چیک پوسٹ پر ایک کارروائی کے دوران بلوچستان سے کراچی آنے والی مسافر بس کے ذریعے اسمگل شدہ اشیاء منتقل کرنے کی کوشش ناکام بنا دی۔
حکام کے مطابق بلوچستان سے آنے والی مسافر بس نمبر L.E.S 5724 کی تلاشی کے دوران خفیہ خانوں سے چھوٹے دانوں کی صورت 9 کلوگرام اسمگل شدہ چاندی اور مختلف برانڈز کی 8 ہزار بھارتی ویاگرا ٹیبلٹس برآمد ہوئیں۔
کسٹمز کے ترجمان کے مطابق برآمد ہونے والی اشیاء اور مسافر بس کی مجموعی مالیت 3 کروڑ 15 لاکھ روپے ہے۔ کسٹمز حکام نے مقدمہ درج کر کے بس سمیت برآمد شدہ اشیاء کو ضبط کر لیا ہے۔
