اسلام آباد کے جوڈیشل مجسٹریٹ نے سابق وزیراعلیٰ خیبرپختونخوا علی امین گنڈاپور کے وارنٹ گرفتاری جاری کر دیے
اسلام آباد کے جوڈیشل مجسٹریٹ مبشر حسن چشتی نے پی ٹی آئی کے آزادی مارچ کے دوران درج دو مقدمات کی سماعت کی۔ علی امین گنڈاپور متعدد بار طلبی کے باوجود عدالت میں پیش نہیں ہوئے، جس کے بعد عدالت نے ان کے وارنٹ گرفتاری جاری کر دیے۔
کیسز کی مزید سماعت 5 جنوری تک ملتوی کر دی گئی ہے۔ علی امین گنڈاپور اور دیگر کے خلاف تھانہ بہارہ کہو میں دو مقدمات درج ہیں، جبکہ عمران خان اور شاہ محمود قریشی سمیت دیگر رہنما پہلے ہی بری ہو چکے ہیں۔
