اسلام آباد میں میڈیا سے گفتگو کرتے ہوئے وزیراعلیٰ خیبر پختونخوا سہیل آفریدی نے کہا ہے کہ چیف جسٹس اسلام آباد ہائیکورٹ سرفراز ڈوگر نے سوا گھنٹے انتظار کے باوجود ان کے سلام کا جواب تک نہیں دیا۔
انہوں نے بتایا کہ وہ روسٹرم پر گئے اور اوپن کورٹ میں چیف جسٹس سے بات کرنے کی کوشش کی، تاہم چیف جسٹس ان کی بات سنے بغیر عدالت سے چلے گئے۔
وزیراعلیٰ خیبر پختونخوا کا کہنا تھا کہ وہ یہ واضح کرنا چاہتے ہیں کہ پاکستان تحریک انصاف احتجاجی یا انتشاری سیاست پر یقین نہیں رکھتی بلکہ قانونی راستہ اختیار کر رہی ہے۔ ان کے بقول عمران خان کے کیسز سماعت کے لیے مقرر نہیں کیے جا رہے۔
واضح رہے کہ سہیل آفریدی 190 ملین پاؤنڈ اور توشہ خانہ ٹو کیسز میں درخواستیں مقرر کرانے کے لیے اسلام آباد ہائیکورٹ پہنچے تھے۔
