ابوظبی میں قائم پاکستانی سفارتخانے نے پاسپورٹ سروس عارضی طور پر معطل کر دی ہے۔
سفارت خانے کے مطابق تکنیکی خرابی کے باعث پاسپورٹ پراسیسنگ کا عمل وقتی طور پر روک دیا گیا ہے اور مسئلے کے حل کے لیے اقدامات جاری ہیں۔
سفارت خانے نے ابوظبی میں مقیم پاکستانی شہریوں کو ہدایت کی ہے کہ وہ پاسپورٹ کے حصول کے لیے آن لائن درخواست دیں تاکہ انہیں کسی قسم کی دشواری کا سامنا نہ کرنا پڑے۔
حکام کا کہنا ہے کہ سروس کی بحالی سے متعلق آگاہی جلد فراہم کی جائے گی۔
