خواجہ آصف نے کہا ہے کہ اگر بھارت نے دوبارہ پاکستان کو للکارا تو بھارت کا جغرافیہ بدل کر اسے تاریخ کا حصہ بنا دیں گے۔
پروگرام کیپٹل ٹاک میں حامد میر کو خصوصی انٹرویو دیتے ہوئے وزیر دفاع نے بھارتی آرمی چیف کے حالیہ بیان پر ردعمل دیتے ہوئے کہا کہ بھارت ابھی تک پہلے ملنے والی شکست کو سہلا رہا ہے۔
خواجہ آصف نے ایران پر امریکا یا اسرائیل کے ممکنہ دوبارہ حملے کے امکان کو بھی مسترد کرتے ہوئے کہا کہ اس وقت دیگر ممالک جنگ کے حق میں نہیں ہیں، اس لیے ایران پر دوبارہ حملے کا کوئی امکان نظر نہیں آتا۔
انہوں نے 28ویں آئینی ترمیم کے حوالے سے گفتگو کرتے ہوئے واضح کیا کہ وفاقی کابینہ میں اب تک اس موضوع پر کوئی باضابطہ بات نہیں ہوئی۔
