اسلام آباد: سینیٹ کی خالی نشستوں کے لیے قومی، پنجاب اور سندھ اسمبلیوں میں ووٹوں کی گنتی مکمل ہوگئی ہے۔ قانون سازوں نے صبح 9 بجے سے شام 4 بجے تک خالی نشستوں پر سینیٹرز کے انتخاب کے لئے ووٹ ڈالے۔صوبائی الیکشن کمشنروں کی طرف سے سینیٹ انتخابات کے نتائج کا اعلان کردیا گیا ہے جس کے مطابق سندھ میں حکمران جماعت پاکستان پیپلز پارٹی صوبے سے سینیٹ کی 10 نشستیں جیتنے میں کامیاب رہی ہے جبکہ سینیٹ کی ہر نشست پر متحدہ قومی موومنٹ اور ایک آزاد امیدوار نے کامیابی حاصل کی ہے۔ابتدائی نتائج کے مطابق جنرل نشست پر اشرف علی جتوئی، دوست علی جیسر، کاظم علی شاہ، مسرور احسن اور ندیم بھٹو فاتح قرار پائے ہیں۔ایم کیو ایم پاکستان کے عامر چشتی جنرل نشست پر سینیٹر منتخب ہوئے ہیں جبکہ آزاد امیدوار فیصل واوڈا نے بھی سینیٹ کی جنرل نشست پر کامیابی حاصل کی ہے۔ خواتین کی نشست پر پیپلز پارٹی کی روبینہ سعادت قائم خانی اور قرۃ العین مری کامیاب ہوئیں جبکہ پیپلز پارٹی کے ایک اور امیدوار پنجو مل بھیل نے اقلیت کی مخصوص نشست پر کامیابی حاصل کی۔ ٹیکنوکریٹ کی نشستوں پر پیپلز پارٹی کے سرمد علی اور ضمیر گھمرو نے کامیابی حاصل کی۔
پنجاب میں ٹیکنوکریٹ کی نشستوں پر ہونے والے انتخابات میں ن لیگ کے وزیر خزانہ محمد اورنگزیب نے 128 ووٹ لے کر کامیابی حاصل کی۔ وفاقی وزیر توانائی مصدق ملک نے بھی ٹیکنوکریٹ کی نشست پر 121 ووٹ اور۔خواتین کی نشستوں پر انوشہ رحمان اور بشریٰ انجم بٹ کامیاب قرار پائی ہیں۔وفاقی دارالحکومت میں حکمراں اتحاد کے امیدواروں نے دونوں نشستوں پر کامیابی حاصل کی۔ٹیکنوکریٹ کی نشست پر وزیر خارجہ اسحاق ڈار کامیاب ہوئے جبکہ پیپلز پارٹی کے امیدوار محمود الحسن جنرل نشست جیت کر ایوان بالا کے لیے منتخب ہوئے۔
