لکی مروت کے علاقے مچن خیل اڈہ میں نامعلوم مسلح افراد کی فائرنگ سے دو پولیس اہلکار شہید ہوگئے۔
پولیس کے مطابق اہلکار گاؤں بیگو خیل سے ڈیوٹی پر جا رہے تھے کہ ملزمان نے گھات لگا کر ان پر فائرنگ کی۔ واقعے کے نتیجے میں دونوں اہلکار موقع پر ہی شہید ہوگئے۔
پولیس ترجمان کے مطابق حملہ آور فائرنگ کے بعد فرار ہونے میں کامیاب ہوگئے جبکہ شہید اہلکاروں کی لاشوں کو سٹی اسپتال منتقل کردیا گیا ہے۔
