اسلام آباد: وفاقی وزیر داخلہ محسن نقوی نے افغانستان کی جانب سے سرحد پار بلااشتعال فائرنگ کی سخت مذمت کی ہے اور کہا ہے کہ یہ بین الاقوامی قوانین کی کھلم کھلا خلاف ورزی ہے۔
محسن نقوی نے بیان میں کہا کہ پاکستان کی بہادر افواج نے فوری اور مؤثر جوابی کارروائی کر کے واضح کردیا ہے کہ اشتعال انگیزی برداشت نہیں کی جائے گی۔ انہوں نے کہا کہ فورسز چوکس ہیں اور سرحدی حملوں کا مناسب جواب دیا جا رہا ہے۔
وزیرِ داخلہ نے مزید کہا کہ افغانستان کی حالیہ کاروائیاں ازلی عوامل سے مربوط معلوم ہوتی ہیں اور پاکستان اپنی سرحدوں اور عوام کے تحفظ کو یقینی بنانے کے لیے تمام ضروری اقدامات کرے گا۔
انہوں نے عوام کو افواجِ پاکستان کے ساتھ کھڑا رہنے کی ہدایت کی اور کہا کہ کسی بھی جارحیت کا بھرپور جواب دیا جائے گا۔
