کراچی میں نادرا کا سب سے بڑا میگا سینٹر قائم کرنے کے لیے ٹی ایم سی اور نادرا کے درمیان مفاہمتی یادداشت پر دستخط ہو گئے۔
میگا سینٹر گلبرگ ٹاؤن میں قائم کیا جائے گا جو ہفتے میں چھ دن، 24 گھنٹے خدمات فراہم کرے گا۔
سینٹر میں پاسپورٹ، تھیلیسیمیا ٹیسٹ، اسلحہ لائسنس اور بزرگ شہریوں کے لیے خصوصی کاؤنٹرز بھی ہوں گے، جب کہ نادرا کا زونل دفتر بھی اسی عمارت میں ہوگا۔
یہ میگا سینٹر عائشہ منزل، سخی حسن، نارتھ ناظم آباد، نیو کراچی، ایف بی ایریا اور لیاقت آباد کے شہریوں کو سہولت فراہم کرے گا۔
