وزیرِاعظم کے مشیر برائے سیاسی امور رانا ثناء اللّٰہ کے سینیٹ کے ضمنی انتخاب کے لیے کاغذاتِ نامزدگی الیکشن ٹریبونل میں چیلنج کر دیے گئے ہیں۔
لاہور ہائی کورٹ کے جسٹس خالد اسحاق پر مشتمل الیکشن ٹریبونل کل سماعت کرے گا، جس میں اپیل کنندہ نے دعویٰ کیا کہ رانا ثناء اللّٰہ کے کاغذاتِ نامزدگی میں متعلقہ معلومات فراہم نہیں کی گئیں۔
اپیل کنندہ نے مزید کہا کہ امیدوار کی جانب سے جمع کرایا گیا اقرار نامہ اور بیانِ حلفی غیر قانونی ہے اور کاغذاتِ نامزدگی کو مسترد کرنے کی درخواست دی گئی ہے۔
