وزیراعظم شہباز شریف نے چاروں وزرائے اعلیٰ کی حمایت سے نئے ڈیم بنانے کی حکمت عملی بنالی ہے۔نئے ڈیموں پر کئی بار بات ہوئی، وزیراعظم نے دیامر بھاشا ڈیم جلد مکمل کرنے کا کہا۔انہوں نے ایک اجلاس میں کہا کہ ڈیم کے لیے وزیراعلیٰ علی امین گنڈاپور نے بھی فنڈ دینے کا کہا ہے ڈیموں سے متعلق صوبوں کی طرف سے بھرپور تعاون کی یقین دہانی ہے۔وزیر اعظم نے واضح کیا کہ سیلاب سے نقصانات کا تخمینہ بغیر سیاسی تفریق کے لگایا جائے گا، سیلاب سے نقصانات کے ازالے میں کوئی سیاسی تفریق نہیں کی جائے گی، سیلاب سے نقصانات کا تخیمنہ پانی کم ہوتے ہی لگانا شروع کر دیا جائے گا، ضرورت ہے کہ درخت لگائے جائیں اور درخت کاٹنے پر احتساب ہو۔
