پاکستان پیپلز پارٹی کے چیئرمین بلاول بھٹو زرداری نے خبردار کیا ہے کہ مون سون کے نئے آغاز پر سیلاب کی صورتِ حال مزید سنگین ہوسکتی ہے۔ ان کا کہنا تھا کہ پاکستان موسمیاتی تبدیلیوں کے نشانے پر ہے، اس لیے مستقبل کے منصوبے ماحولیاتی حالات کو مدِنظر رکھ کر بنائے جائیں۔
انہوں نے کہا کہ یہ وقت ہے کہ قوم ہر قسم کی تقسیم کو بھلا کر بحران کا متحد ہو کر مقابلہ کرے۔ بلاول بھٹو نے پنجاب میں سیلاب سے جاں بحق افراد کے ورثاء سے اظہار افسوس کیا اور پارٹی کارکنوں و عہدے داروں کو متاثرہ افراد کی مدد کی ہدایت دی۔
