مصر کے مغربی صوبے متروح میں قاہرہ جانے والی مسافر ٹرین حادثے کا شکار ہوگئی جس کے نتیجے میں 3 افراد جاں بحق اور 94 زخمی ہوئے۔ حکام کے مطابق حادثے میں ٹرین کی 7 بوگیاں پٹری سے اتر گئیں جبکہ 2 بوگیاں الٹ گئیں۔
اطلاع ملتے ہی ریسکیو ٹیمیں اور ایمبولینسز موقع پر پہنچ گئیں اور زخمیوں کو اسپتال منتقل کیا گیا۔ انتظامیہ نے بتایا کہ جاں بحق افراد کی شناخت کی جا رہی ہے اور حادثے کی وجوہات جاننے کے لیے تحقیقات شروع کر دی گئی ہیں۔
