متحدہ عرب امارات کی شدید گرمی کے باعث ایشیا کپ کے منتظمین نے میچز کا وقت ابتدائی شیڈول سے آدھے گھنٹے آگے کرنے کا فیصلہ کیا ہے تاکہ کھلاڑی اور تماشائی گرمی سے محفوظ رہ سکیں۔
ذرائع کے مطابق 19 میں سے 18 میچز مقامی وقت کے مطابق شام ساڑھے 6 بجے شروع ہوں گے، جبکہ 15 ستمبر کو ابوظہبی میں یو اے ای اور عمان کے درمیان واحد ڈے میچ سہ پہر 4 بجے شروع ہوگا، اسی شام سری لنکا اور ہانگ کانگ بھی مقابلہ کریں گے۔
ایشیا کپ کے سپر فور مرحلے میں 20 سے 26 ستمبر تک 6 میچز کھیلے جائیں گے اور دونوں گروپس سے ٹاپ دو ٹیمیں 28 ستمبر کو فائنل میں مد مقابل ہوں گی، جس میں 14 ستمبر کو ہونے والا پاک بھارت ٹاکرا سب سے بڑا میچ ہوگا۔
