پاکستان کرکٹ بورڈ (پی سی بی) نے ایشیا کپ میں بھارت کے خلاف میچ کے دوران فخر زمان کو متنازع آؤٹ دینے پر آئی سی سی سے باضابطہ شکایت درج کرا دی ہے۔ ذرائع کے مطابق پی سی بی نے متعلقہ ایمپائر کے خلاف انکوائری کا مطالبہ بھی کیا ہے۔
گزشتہ روز کھیلے گئے میچ میں فخر زمان کو کیچ آؤٹ قرار دیا گیا تھا جسے قومی ٹیم اور شائقین کرکٹ نے متنازع قرار دیتے ہوئے شدید تحفظات کا اظہار کیا۔
ایشیا کپ ٹی ٹوئنٹی میں قومی ٹیم کے کپتان سلمان علی آغا نے بھی پریس کانفرنس میں کہا کہ فخر زمان کا آؤٹ “شاید غلط تھا”، ہمیں لگا گیند زمین پر لگی لیکن حتمی فیصلہ ایمپائر کا ہوتا ہے۔
