سندھ حکومت نے صوبے کے 14 اضلاع میں بلدیاتی ضمنی انتخابات کے موقع پر 24 ستمبر کو تعطیل کا اعلان کر دیا ہے۔ اس حوالے سے باقاعدہ نوٹیفکیشن بھی جاری کر دیا گیا ہے۔
نوٹیفکیشن کے مطابق متعلقہ اضلاع میں اسکول، سرکاری اور دیگر ادارے بند رہیں گے تاکہ پولنگ کا عمل باآسانی مکمل ہو سکے۔ محکمہ تعلیم سندھ نے ضلعی تعلیمی افسران اور ڈائریکٹوریٹ پرائیویٹ اسکولز کو ہدایت دی ہے کہ وہ پولنگ اسٹیشنز کے قیام کے لیے تعاون فراہم کریں۔
بلدیاتی ضمنی انتخابات کے لیے گھوٹکی، سکھر، خیرپور، میرپور خاص، عمر کوٹ، مٹیاری، حیدرآباد، جامشورو، دادو، بدین اور ٹھٹہ کے علاوہ کراچی ویسٹ، کراچی ایسٹ اور کیماڑی کے اضلاع میں بھی تعطیل ہوگی۔
