آسٹریلیا نے نیوزی لینڈ کو آخری ٹی ٹوئنٹی میں شکست دے کر سیریز 0-2 سے جیت لی۔
ماؤنٹ مینگنوئی میں کھیلے گئے میچ میں نیوزی لینڈ نے پہلے بیٹنگ کرتے ہوئے 20 اوورز میں 156 رنز بنائے۔ ٹم سائفرٹ 48، کپتان بریسویل 26 اور جیمز نیشم 25 رنز بناکر نمایاں رہے۔ آسٹریلیا کی جانب سے شان ایبٹ نے تین وکٹیں حاصل کیں۔
ہدف کے تعاقب میں آسٹریلیا کی وکٹیں وقفے وقفے سے گرتی رہیں لیکن کپتان مچل مارش نے شاندار بیٹنگ کرتے ہوئے اپنی ٹیم کو فتح دلائی۔ انہوں نے 52 گیندوں پر 103 رنز کی ناقابل شکست اننگز کھیلی جس میں سات چھکے اور آٹھ چوکے شامل تھے۔
نیوزی لینڈ کی جانب سے جیمز نیشم نے چار وکٹیں حاصل کیں لیکن وہ اپنی ٹیم کو کامیابی نہ دلا سکے۔
اس جیت کے ساتھ آسٹریلیا نے سیریز اپنے نام کرلی۔
