اسلام آباد میں بانی چیئرمین پی ٹی آئی اور ان کی اہلیہ بشریٰ بی بی کے خلاف توشہ خانہ ٹو کیس کی سماعت 14 اکتوبر تک ملتوی کر دی گئی ہے۔
آج جیل ٹرائل منسوخ کر کے سماعت فیڈرل جوڈیشل کمپلیکس میں کی گئی، جہاں کیس کو استغاثہ کے دلائل کے لیے مقرر کیا گیا تھا۔
اسپیشل جج سینٹرل شاہ رخ ارجمند نے سماعت کی۔ عدالت کو بتایا گیا کہ کیس میں شہادتوں کا مرحلہ مکمل ہو چکا ہے۔
جوڈیشل کمپلیکس سے نئی تاریخ کا باضابطہ اعلان کیا گیا اور کیس کی مزید کارروائی 14 اکتوبر کو ہوگی۔
