اسلام آباد میں صحافی اور پالیسی ماہر مشرف زیدی کو وزیر اعظم شہباز شریف کا غیر ملکی میڈیا کے لیے ترجمان مقرر کر دیا گیا ہے۔ یہ تقرری فوری طور پر نافذ العمل ہوگی۔
وفاقی وزیر اطلاعات عطااللہ تارڑ نے نوٹیفکیشن جاری کرتے ہوئے مشرف زیدی کو ٹیم کے لیے بہترین اضافہ قرار دیا۔
مشرف زیدی اس سے پہلے وزیر اعظم کے کارکردگی اور اختراع کے کوآرڈینیٹر کے طور پر خدمات انجام دے رہے تھے۔ وہ لمز سے اکنامکس میں گریجویٹ ہیں اور نیویارک کے بارک کالج سے پبلک ایڈمنسٹریشن میں ماسٹرز کر چکے ہیں۔
وہ وزارتِ خارجہ، الف اعلان اور پالیسی تھنک ٹینک تبادلَہ میں بھی اہم عہدوں پر کام کر چکے ہیں۔
