انسدادِ دہشت گردی کی عدالت نے 26 نومبر جلاؤ گھیراؤ کیس میں وزیراعلیٰ خیبرپختونخوا سہیل آفریدی اور پی ٹی آئی کے صوبائی صدر جنید اکبر کے وارنٹ گرفتاری جاری کردیے۔ عدالتی حکم کے بعد اسلام آباد پولیس وارنٹ کے ساتھ خیبرپختونخوا ہاؤس پہنچی، جہاں عملے نے وارنٹ وصول کیے تاہم سہیل آفریدی وہاں موجود نہیں تھے۔
پولیس کے مطابق دونوں رہنماؤں کی گرفتاری کے لیے کارروائی جاری ہے۔ دوسری جانب خیبرپختونخوا حکومت کے ترجمان نے سوشل میڈیا پر پولیس ریڈ کی خبروں کو افواہ قرار دیتے ہوئے کہا کہ وزیراعلیٰ اس وقت پشاور میں ہیں۔ ترجمان کے مطابق تھانہ سیکرٹریٹ کے اہلکار صرف وارنٹ کی تعمیل کے لیے آئے تھے اور کارروائی کے بعد واپس چلے گئے۔
