تحصیل کہوٹہ سے تعلق رکھنے والی ہونہار طالبہ حورالنساء دختر جاوید اقبال نے علامہ اقبال اوپن یونیورسٹی سے بی ایس فزکس میں گولڈ میڈل حاصل کر کے علاقے کا نام روشن کر دیا ہے۔
حورالنساء نے اپنی محنت، لگن اور مسلسل بہترین تعلیمی کارکردگی کی بنیاد پر یہ نمایاں کامیابی حاصل کی۔ وہ معروف لیکچرر اور صحافی بابر سلیم کی اہلیہ ہیں۔
اس شاندار تعلیمی کامیابی پر اہلِ خانہ، اساتذہ، دوست احباب اور علاقے بھر کے لوگوں نے حورالنساء کو دلی مبارکباد پیش کی اور ان کے روشن مستقبل کے لیے نیک خواہشات کا اظہار کیا۔
تعلیمی اور سماجی حلقوں نے بھی حورالنساء کو نئی نسل کے لیے رول ماڈل قرار دیتے ہوئے کہا کہ وہ محنت، ہمت اور لگن کی ایک قابلِ تقلید مثال ہیں۔
