سری لنکا میں سمندری طوفان دتوا کے باعث شدید بارشوں اور سیلاب سے 123 افراد ہلاک اور 130 لاپتا ہو گئے ہیں۔ زیادہ تر اموات لینڈ سلائیڈنگ کی وجہ سے ہوئیں۔ ملک بھر میں 44 ہزار سے زائد افراد متاثر ہوئے اور اسکولوں و پبلک مقامات میں منتقل کیے گئے۔ مشرقی اور جنوبی علاقوں میں مزید سیلاب کا خطرہ ہے، دارالحکومت کولمبو میں بھی سیلاب کے امکانات ہیں، متعدد افراد کو ہیلی کاپٹرز کے ذریعے محفوظ مقام پر منتقل کیا گیا۔
