لالی وڈ فلم انڈسٹری کی مشہور ہدایتکارہ سنگیتا نے لاہور کے تھانہ شیرا کوٹ میں درخواست دی ہے جس میں الزام لگایا گیا کہ ان کے ڈرامے کی ریکارڈنگ کے دوران نامعلوم افراد سیٹ پر آئے اور فنکاروں کو ہراساں کیا۔
ہدایتکارہ سنگیتا ساتھیوں کے ہمراہ تھانے پہنچی اور درخواست جمع کرائی۔ انہوں نے بتایا کہ ریکارڈنگ کے دوران یہ افراد آئے، جس کی وجہ سے شو رک گیا اور انہیں مالی نقصان بھی ہوا۔
سنگیتا نے مطالبہ کیا کہ نامعلوم افراد کے خلاف قانونی کارروائی کی جائے اور اس معاملے پر وہ جلد پریس کانفرنس بھی کریں گی۔
