سابق مشیر اطلاعات خیبرپختونخوا بیرسٹر سیف نے کہا ہے کہ ملک کو حکومت اور اپوزیشن دونوں کی جگہ متبادل قیادت کی ضرورت ہے۔
اپنے بیان میں انہوں نے کہا کہ اپوزیشن مؤثر کردار ادا کرنے میں ناکام نظر آ رہی ہے جبکہ ملک میں جاری سیاسی ڈیڈ لاک کے خاتمے کے لیے قومی مکالمہ ناگزیر ہو چکا ہے۔
بیرسٹر سیف کے مطابق آج کراچی میں نیشنل ڈائیلاگ کمیٹی کے زیر اہتمام ایک تقریب منعقد ہوگی، جس میں عوامی مفاد کے لیے ذاتی اور سیاسی اختلافات کو پسِ پشت ڈالنے پر زور دیا جائے گا۔
انہوں نے مزید کہا کہ قومی مسائل کا حل صرف مذاکرات، سیاسی ہم آہنگی اور اجتماعی سوچ کے ذریعے ہی ممکن ہے۔
