امریکی جیولوجیکل سروے کے مطابق جمعرات کو چلی کے انٹارکٹک علاقے اور جنوبی ڈریک پیسیج میں 7.5 شدت کا زلزلہ آیا جس سے علاقے میں ہلچل مچ گئی، تاہم سونامی کا کوئی خطرہ نہیں تھا۔ زلزلہ 10.8 کلومیٹر گہرائی میں مقامی وقت کے مطابق صبح 10:16 بجے آیا۔
چلی کی ڈیزاسٹر ریسپانس سروس سیناپریڈ نے زلزلے کو درمیانی شدت کا قرار دیتے ہوئے انٹارکٹک علاقے میں احتیاطی الرٹ جاری کیا۔ حکام کے مطابق میگالینس ریجن کے لیے کوئی خطرہ نہیں ہے تاہم احتیاطاً ساحلی علاقوں کو خالی کرنے کی ہدایت دی گئی ہے۔
یورپی میڈیٹیرینین سیسمولوجیکل سینٹر (EMSC) کے مطابق جمعہ کو میانمار-بھارت سرحد کے قریب بھی 5.6 شدت کا زلزلہ آیا جو 10 کلومیٹر گہرائی میں ریکارڈ کیا گیا۔
