ہنگو کی تحصیل ٹل کے علاقے دوآبہ طورہ وڑی میں فیڈرل کانسٹیبلری (ایف سی) کے قلعے پر دہشت گردوں نے حملہ کر دیا۔ پولیس حکام کے مطابق حملے میں ایف سی کے 3 اہلکار شہید جبکہ 17 زخمی ہوئے۔
ایس پی آپریشنز اسد زبیر کے مطابق پولیس اور ایف سی کی بھرپور جوابی کارروائی پر دہشت گرد فرار ہوگئے، جب کہ زخمی اہلکاروں کو فوری طور پر دوآبہ اسپتال منتقل کر دیا گیا۔
ڈی پی او ہنگو نے تصدیق کی کہ قلعے پر حملے میں ملوث دہشت گردوں کا ایک سہولت کار پولیس مقابلے میں مارا گیا۔ ان کے مطابق سہولت کار نے پولیس پارٹی کو دیکھتے ہی فائرنگ کی، تاہم جوابی کارروائی میں ہلاک ہو گیا۔
پولیس کا کہنا ہے کہ حملے کے بعد علاقے میں سرچ آپریشن جاری ہے۔
