امریکی قونصل خانے کے ترجمان کے مطابق سینئر کیریئر ڈپلومیٹ چارلس گُڈمَن نے کراچی میں امریکی قونصل جنرل کی ذمہ داریاں سنبھال لی ہیں۔
ترجمان نے بتایا کہ چارلس گُڈمَن اس سے قبل نیوزی لینڈ میں امریکی مشن کے انتظامی مشیر کے طور پر فرائض انجام دے رہے تھے، جبکہ وہ کوسوو کے دارالحکومت پریسٹینا میں بھی انتظامی مشیر اور قائم مقام ڈپٹی چیف آف مشن رہ چکے ہیں۔
چارلس گُڈمَن کو ہسپانوی زبان پر مکمل عبور حاصل ہے۔ انہوں نے ڈیوک یونیورسٹی سے ایم بی اے اور انفارمیشن سسٹمز میں بی ایس کی ڈگری حاصل کی، جبکہ انہیں لتھویائی اور فرانسیسی زبانوں میں بھی مہارت ہے۔
