وزیر اطلاعات پنجاب عظمیٰ بخاری نے کہا ہے کہ مخصوص ٹولہ مشکل کی گھڑی میں متاثرین کے ساتھ ہمدردی کے بجائے گندی سیاست کر رہا ہے، جبکہ پنجاب حکومت اپنے وسائل سے شہریوں کو تمام امدادی سرگرمیاں فراہم کر رہی ہے۔
انہوں نے بتایا کہ 7 لاکھ 60 ہزار سیلاب متاثرین کو بروقت ریسکیو کرنا کوئی معمولی کام نہیں، اور متاثرہ شہریوں کے ساتھ ان کے مویشی بھی محفوظ مقامات پر منتقل کیے جا رہے ہیں۔ کلینک آن ویلز نے بروقت طبی امداد فراہم کرنے میں کلیدی کردار ادا کیا ہے۔
عظمیٰ بخاری نے مزید کہا کہ مریم نواز کی ہدایات پر تمام اضلاع کے کمشنر اور ڈی سی متاثرہ افراد کو خیمے، چارپائیاں اور کھانا فراہم کر رہے ہیں۔ انہوں نے زور دیا کہ یہ وقت سیاست کا نہیں بلکہ لوگوں کو ریلیف دینے کا ہے، اور مخصوص ٹولہ قوم کے متحد ہونے کے موقع پر اپنی گندی سیاست شروع کر رہا ہے۔
