پاکستان کے شہر سیالکوٹ کے انٹرنیشنل ایئرپورٹ پر چوتھے روز بھی فلائٹ آپریشن مکمل طور پر بند ہے۔ عام طور پر روزانہ 10 سے 11 بین الاقوامی پروازیں یہاں سے روانہ ہوتی ہیں، تاہم گزشتہ چار روز سے پروازوں کی آمد و رفت معطل ہے۔
ایئرپورٹ کے ترجمان محمد عمیر خان کے مطابق انتظامیہ چار دن سے سیلابی پانی کے اخراج میں مصروف ہے اور فضائی آپریشن کی بندش میں مزید توسیع کا خدشہ ہے۔ انہوں نے بتایا کہ ضلعی انتظامیہ نے بھی مکمل معاونت کی یقین دہانی کروائی ہے اور امید ہے کہ جلد پانی نکال دیا جائے گا۔
