حماس کے رہنما سہیل الہندی نے تصدیق کی ہے کہ دوحہ میں اسرائیل کے فضائی حملے میں الخلیل الحیا سمیت تمام اعلیٰ رہنما محفوظ ہیں۔
حملے میں الخلیل الحیا کے بیٹے حمّام الحیا اور دفتر کے انچارج جہاد لبد سمیت چھ افراد شہید ہوگئے، جن میں حماس کے محافظ اور ایک قطری اہلکار بھی شامل ہیں۔
حملہ اس عمارت پر کیا گیا جہاں حماس قیادت غزہ جنگ بندی پر امریکی تجویز پر مشاورت کر رہی تھی، اور اجلاس الخلیل الحیا کی زیرصدارت جاری تھا۔
عالمی میڈیا کے مطابق اسرائیلی حملے کا اصل ہدف حماس رہنما اور مذاکراتی ٹیم تھی، تاہم کسی رہنما کے شہید یا زخمی ہونے کی تصدیق نہیں ہوئی۔
