دبئی: ایشیا کپ سپر فور مرحلے میں بنگلہ دیش نے دلچسپ مقابلے کے بعد سری لنکا کو 4 وکٹوں سے ہرادیا۔
دبئی کرکٹ اسٹیڈیم میں سری لنکا نے پہلے بیٹنگ کرتے ہوئے 20 اوورز میں 7 وکٹوں کے نقصان پر 168 رنز بنائے۔ داسن شناکا 64 رنز ناٹ آؤٹ کے ساتھ نمایاں رہے، جبکہ کوشل مینڈس نے 34 اور پتھم نسانکا نے 22 رنز بنائے۔ بنگلہ دیش کی جانب سے مستفیض الرحمان نے 3، مہدی حسن نے 2 اور تسکین احمد نے ایک وکٹ حاصل کی۔
ہدف کے تعاقب میں بنگلہ دیش نے آخری اوور میں 6 وکٹوں کے نقصان پر مطلوبہ اسکور پورا کیا۔ سیف حسن 61 اور توحید ہردوئے 58 رنز کے ساتھ نمایاں رہے۔ کپتان لٹن داس نے 23 رنز جوڑے۔
