غزہ: اسرائیل نے مزید 30 فلسطینیوں کی لاشیں حماس کے حوالے کر دی ہیں۔
خان یونس کے نصر میڈیکل کمپلیکس کے مطابق یہ لاشیں اسرائیلی یرغمالیوں کی باقیات کی حوالگی کے بدلے موصول ہوئیں۔ اس عمل کے تحت اب تک 225 فلسطینیوں کی لاشیں غزہ کے حکام کے حوالے کی جا چکی ہیں۔
رواں ماہ مصر میں طے پانے والے معاہدے کے مطابق ہر ایک اسرائیلی یرغمالی کی لاش کے بدلے 15 فلسطینیوں کی لاشیں واپس کی جا رہی ہیں۔
گزشتہ روز حماس نے دو اسرائیلی یرغمالیوں کی باقیات واپس کی تھیں۔ اسرائیلی فوج کا کہنا ہے کہ اب بھی 11 اسرائیلیوں کی لاشیں غزہ میں موجود ہیں۔
