ایم کیو ایم پاکستان کے رہنما ڈاکٹر فاروق ستار نے کراچی میں ای چالان سسٹم کے خلاف بڑا احتجاج شروع کرنے کا عندیہ دے دیا ہے۔ سرجانی ٹاؤن میں عوامی رابطہ مہم سے خطاب میں انہوں نے کہا کہ ای چالان شہریوں کو لوٹنے کا نیا طریقہ ہے اور سندھ حکومت شہری سہولیات دینے میں مکمل ناکام ہوچکی ہے۔
فاروق ستار کا کہنا تھا کہ اگر یہ نظام لاڑکانہ، کشمور یا دادو میں نہیں تو صرف کراچی میں کیوں؟ انہوں نے کہا کہ خراب سڑکوں، گٹر لائنوں اور شہری مسائل حل کیے بغیر ٹیکس پر ٹیکس لگائے جا رہے ہیں۔
انہوں نے خبردار کیا کہ اگر ای چالان سسٹم واپس نہ لیا گیا تو وہ 60 لاکھ موٹرسائیکل سواروں کے ساتھ شاہراہ فیصل پر دھرنا دیں گے۔
