امریکا اور چین نے اسلام آباد میں دہشت گردانہ حملوں کی مذمت کرتے ہوئے جاں بحق افراد کے اہل خانہ کے ساتھ دلی ہمدردی کا اظہار کیا ہے۔
امریکی سفیر نیٹالی بیکر نے کہا کہ امریکا دہشت گردی کے خلاف جدوجہد میں پاکستان کے ساتھ ہے اور زخمیوں کی جلد صحت یابی کے لیے دعاگو ہے۔ انہوں نے پاکستان میں امن و استحکام کے لیے حکومت کی کوششوں کی حمایت جاری رکھنے کا اعلان کیا۔
چینی سفارتخانہ نے بھی حملے کی شدید مذمت کی اور جاں بحق اور زخمی افراد کے لیے ہمدردی کا اظہار کیا۔
