لاہور کے علاقے ملت پارک میں استاد کی جانب سے سبق یاد نہ ہونے پر 10 سالہ طالب علم ایان شہروز کو شدید تشدد کا نشانہ بنایا گیا۔ استاد نے بچے کو پلاسٹک کے پائپ سے اس قدر مارا کہ اس کے پیٹ اور جسم کے مختلف حصوں پر واضح نشانات پڑ گئے۔
بچہ جب گھر پہنچا تو اس نے اپنی دادی کو واقعے سے آگاہ کیا، جس پر وہ فوراً تھانے گئیں اور ان کی درخواست پر پولیس نے ایف آئی آر درج کرلی۔
ایف آئی آر کے مطابق بچے کو معمولی بات پر غیر انسانی تشدد کا نشانہ بنایا گیا۔ واقعے کا نوٹس لیتے ہوئے ڈی آئی جی آپریشنز فیصل کامران نے فوری کارروائی کا حکم دیا، جس پر پولیس نے ملزم استاد کو گرفتار کرلیا۔
ڈی آئی جی فیصل کامران کا کہنا تھا کہ حکومت پنجاب کی ہدایات کے مطابق بچے اور خواتین ریڈ لائن ہیں اور ان کے خلاف جرائم پر زیرو ٹالرنس کی پالیسی پر سختی سے عمل کیا جا رہا ہے۔
