فیصل آباد کے علاقے ملک پور میں کیمیکل فیکٹری کا بوائلر پھٹنے سے خوفناک دھماکا ہوا جس کے نتیجے میں 16 افراد جاں بحق اور متعدد زخمی ہوگئے۔ دھماکے کے بعد فیکٹری میں آگ بھڑک اٹھی اور نزدیکی گھروں کی چھتیں بھی گر گئیں۔
ریسکیو ٹیمیں موقع پر پہنچ کر ملبہ ہٹانے اور زخمیوں کو اسپتال منتقل کرنے میں مصروف ہیں، جبکہ مزید افراد کے ملبے تلے دبے ہونے کا خدشہ ظاہر کیا جا رہا ہے۔ ڈپٹی کمشنر فیصل آباد امدادی کارروائیوں کی نگرانی کر رہے ہیں اور فیکٹری مالکان کے خلاف قانونی کارروائی کا اعلان کیا گیا ہے۔
ابتدائی تحقیقاتی رپورٹ کے مطابق دھماکا ممکنہ طور پر گیس پائپ لائن پھٹنے سے ہوا، جبکہ زیادہ جانی نقصان ملحقہ گھروں کے رہائشیوں کا ہوا۔
پنجاب کی وزیراعلیٰ نے سانحے پر افسوس کا اظہار کرتے ہوئے کمشنر سے مکمل رپورٹ طلب کرلی ہے اور ریسکیو آپریشن کی خود نگرانی بھی کر رہی ہیں۔
